Buhfai leh Wheat chhekkhawl MT 24,858 a awm

Mizoram chhunga Food Corporation of India (FCI) Kudam hrang hrangah June 20, 2026 khan Buhfai leh Wheat chhekkhaw MT 24,858 awmin Buhfai MT 23,862 leh Wheat MT 996 chhekkhawl a ni.
Furpui vanglaia mipuiin ei tur an tlakchhawm loh nan leh stock a awm reng theih nan Mizoram-ah Rel hmangin Buhfai leh Wheat rawn phurh mek a ni a. Hei hi Bairabi Railhead (FSD Bualpui, Kolasib leh Bairabi) leh Sairang Railhead (FSD Sairang, Aizawl, Lunglei leh Lawngtlai) kaltlangin a lo thleng thin a. Tunhnaiah hian Rel hmangin June leh July 2026 chhunga buhfai lo kal tur leh kal mek zat hi 20,032 MT a ni a. Tun dinhmuna stock awm zat hi a thahnem tawk a, MT 24,858 chhekkhawl hian National Food Security Act (NFSA) leh Welfare Scheme dangte Mizoram pum mamawh thla 4 vel chhung daih thei tura ngaih a ni.

Thla tin atana Mizoram in NFSA leh Welfare Scheme mamawh zat chu buhfai MT 6,209 leh Wheat MT 123 a ni a. Stock awm mek leh ruahman sa lo kal turte hi Safety Buffer norm aiin an thahnem zawk a. FCI chuan Mizoram Sawrkar tan mamawh aia tam mah pe thei turin Open Market Sale Scheme – Domestic (OMSS-D) hnuaiah e-auction tel lovin Bufai a pe a, hei bakah hian, June thla atan Buhfai MT 3,000 MT chu sem tura ruahman ni tawhin chu mi tihlawhtling tur chuan rail rake dang MT 2,600 pawh chah belh tum a ni. FCI chuan ei leh bar lo luh dan hi nitin a thlithlai reng a, mipuiten eitur tha an ei theih nan a chhekkhawlna Storage Facility-te pawh a tha thei ang berin a enkawl mek tih an sawi bawk.