ASF vanga Vawk thi tam zel

Kumin chhunga Serchhip District chhunga African Swine Fever (ASF) vanga Vawk thi chu sang khat a tling dawn hnai ta.
    AH&Vety Department ten an chhinchhiahna atanga a lan danin nimin khan Serchhip District-a khaw pahnih ah ASF vanga Vawk thi 14 awm belh lehin heng te nen hian kumin chhungin Serchhip District-a khaw 18-ah ASF vangin Vawk 983 lai a thi ta a, nimin a Vawk thi te hi Chhingchhip-ah 11 leh Chhiah-tlang-ah 3 te a ni a, nimin vek khan Chhiahtlang ah hian Vawk 2 suat niin Hriangtlang-ah pakhat suat a ni bawk a, kumin chhungin ASF vang hian Vawk 662 suat a ni tawh bawk a, kumin chhung hian Serchhip District-ah ASF vanga Vawk thi leh suat 1645 lai a awm tawh a, chhungkaw 372 zetin hri leng hi an tuar tawh a ni.