Union Minister in Champhai a sawrkar hmalakna a tlawh

Zonuna Kawlni /

Champhai District tlawh mektu Union Minister of State for Housing & Urban Affairs Tokhan Sahu chuan nimin khan Champhai khawpui chhung hmun hrang hrang a tlawh.

Union Minister hian Pradhan Mantri Awas Yojana - Urban (PMAY-U) hnuaia Champhai Zote khuaa Insak tanpuina dawngtu te Insak chu a hmunah tlawhin In neitute a kawm hnuah Champhai District Hospital pawh tlawhin an hnathawh te a enpui a. Hemi hnu hian Kahrawt Anganwadi pawh tlawhin thawktute leh naupang nu leh pa ten an lo dawngsawng a, thawktute pawh a kawm nghal bawk.

Hemi hnu hian Champhai Vengthlang a Sakti Sada chu tlawhin he hmun hi hmeichhia pasal then avanga awmna nei lo te leh hmeichhia hleilenna tuar te enkawlna hmun niin an hnathawh dan te a zawtfiah a. Hemi hnu hian Keilungliah tuikhuah pawh tlawhin PHE Department hotu ten an hmalakna leh hmachhawp te an lo hrilh a, hemi hnu nimin tlai khan Aizawl a pan nghal a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »