BLA te tan Special Intensive Revision zirhona neih a ni
Political Party aiawh - Booth Level Agent-te puala Special Intensive Revision (SIR) 2026 chungchang zirhona hi Serchhip, Thenzawl, East Lungdar leh North Vanlaiphai-ah te neih a ni a, Serchhip DC Meeting Hall-a he hun hman ah hian Election Officer Lalchhanhimi chuan dik tak leh langtlang (transparent) taka Special Intensive Revision chu kalpui tur a nih thu a sawi a, thleibik nei lova Electoral Roll-a hming chuang tur dik takte an inziahluh vek theih nan Booth Level Agent-te chu an pawimawh thu a sawi a. Special Intensive Revision chu Election Commission of India pawhin a ngaih pawimawh thu sawiin, BLA te chu an mawhphurhna te tha taka hlenchhuak theuh turin duhsakna a hlan a ni.
Serchhip-a BLA te tana Training-ah hian Asst. Electoral Registration Officer (AERO) & District Level Master Trainer Vanthangpuia'n zirtirna a pe a; Thenzawl SDO (Civil) Conference Hall-a Training-ah ERO K. Lalhlimpuia chuan zirtirna pein E. Lungdar leh North Vanlaiphai-a Training-ah ERO Marilyn Lalruatkimi'n zirtirna a pe bawk a. Heng hunah hian Special Intensive Revision thil tum leh inkaihhruaina te, Field-Level-a Enumeration leh Verification kalpui dan tur chungchang te, BLO te nena thawhho dan tur leh thil pawimawh chi hrang hrangte inzirtir a ni a, hriatfiah loh te pawh inzawhfiah a ni bawk.
Comments
Post a Comment
I ngaihdan i sawi hian mipui ngaihdan i tarlang a ni!