Serchhip Police ten ‘Year of Discipline’ bul an tan

Zonuna Kawlni /

Mizoram Police ten ‘Year of Discipline’ atana kum 2026-2027 an puan chu nimin khan Mizoram chhunga an Unit hrang hrangah Programme siamin a taka hman tan a ni.
 Serchhip-ah chuan ‘Year of Discipline’ bultanna leh hawnna hun hi Serchhip SP Conference Hall-ah hman niin Serchhip SP Office-a Reserved Officer leh Serchhip Police Station-a OC, Inspr. R. Lalbiakhlua chuan a kaihruai a, Serchhip SDPO Rinzuali MPS chuan he ‘Year of Discipline’ kalpui dan tura sawrkar in ruahmanna a siam leh he hmalakna in a tum tlangpui te sawifiahin Serchhip Addl. SP, H. Lalduata chuan ‘Year of Discipline’ hi a hawng a, Police te tana he hmalakna a pawimawh zia te sawiin, Serchhip District chhunga Police te pawhin zawma a hlawhtlin theihna tura theihtawp an chhuah a tul thu te a sawi bawk a ni. He hunah hian Serchhip Town chhunga Police awm mek te an tel bakah Serchhip DEF huamchhunga Police Station hrang hranga Officer Incharge leh Officer dang te an tel bawk a ni.


Tarlan tawh angin Mizoram Police hian kum 2026-2027 chu ‘Year of Discipline’ atan puangin May 6, 2026 khan Home Minister K. Sapdanga chuan a lo puang tawh a. ‘Year of Discipline’ hi Mizoram Police Fitness Improvement Programme hnuaia kalpui mek, ‘Train to Excel’ tihchangtlunna leh chhunzawmna a ni. Mizoram Police Fitness Improvement Programme hi kum khat aia rei kalpui a lo ni tawh a. Mizoram Police mi leh sa ten taksa, rilru leh thlarau lam thlenga hriselna tha an neih theihna tur leh tha lehzuala hna an hlenchhuah theihna tur a nih beiseiin he ruahmanna hi Home Minister kaihhruainaa duanchhuah a ni a. Tuna ‘Year of Discipline’ kalpui leh tur hi Mizoram Police awmna hmun hrang hrangah urhsun taka kalpui tur niin, a lal ber atanga a rank hniam ber thlengin tha taka zawm tur a ni a. Mizoram Police chuan ramchhunga dan leh hrai kenkawh kawngah rintlak leh hlawhtling zawka rawngbawl an tum a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »