DoNER Secretary in Serchhip District a tlawh mek

Zonuna Kawlni /

Ministry of DoNER-a Secretary Sanjay Jaju chuan nimin khan Thenzawl tlawhin DoNER hnuaia hnathawh tur ruahman te a hmun ah a tlawh.
 DoNER Secretary hian nimin khan Aizawl atanga Thenzawl panin NESIDS hnuaia Khankawn to Rongura Hmun kawng laih mek leh Heliport/Helipad hmun turte a tlawh a, hemi hnu hian UD&PA, PWD, Tourism leh Horticulture Department hotute kawmin sawrkar department hotu ten an tawiawm a. Nizan khan Thenzawl-ah hian riakin Vawiin hian Serchhip-a hmalakna te a tlawh leh nghal dawn a ni.

Ministry of DoNER-a Secretary Sanjay Jaju hian niminpiah khan Aizawl rawn thlengin nimin-a Thenzawl a rawn pan hma hian Chief Minister Lalduhoma nen CM Bangla-ah an inkawm a, he hunah hian Chief Minister chuan Sustainable Cultivation of Mizo Ginder USP NEC fund tur approved a nih avangin Secretary hnenah hian lawmthu sawiin, Mizoram in Sawhthing kan thar tha a, kan Sawhthingte hi a quality a thain a thianghlim a. NITI Aayog chuan Ginger Capital of India-ah min puang hial tih sawiin, “He Fund hi Sawhthing chingtute tan a tangkai hle dawn a ni,” a ti a. Chief Minister hian 10% GBS mumal zawk leh langtlang zawka kalpui a nih theih nana hmalak a tul thu pawh sawiin, DoNER Secretary hian lo enzui a tiam a ni. Hei bakah hian NESIDS (Roads) hnuaia Khankawn to Rongura Hmun chu KM 1.70 vela thui laih belhin Thenzawl - Buarpui Intermediate Lane a pawh theih thu leh a tangkai hle dawn tih Chief Minister chuan sawiin, chuvang chuan a laih zawmna ngaihtuahpui turin a ngen a, hei hi DoNER Secretary hian hma a lak tur thu hrilhin, Thenzawl Golf Resort tihchangtlunna atan Private Investor te an luh theihna tura hmalak a tum thu Chief Minister hi a hrilh bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »