Serchhip District-a PM-DAJGUA kalpui dan thlirlet

Zonuna Kawlni /

Serchhip District-a Prime Minister Dharti Aaba Janjatiya Gram Utkarsh Abhiyan (PM-DAJGUA) kalpui dan thlirletna chu Zirtawpni khan Serchhip Bawrhsap Paul L. Khuma hovin neih a ni.
 Serchhip DC Meeting Hall-a thlirletna hunah hian nikum lama hmalakna hrang hrangte thlirlet niin mipuite'n sawrkar scheme hrang hrangte an lo hmelhriat a, an chhawr tangkai ngei theihna turin Serchhip District-a khaw 23-ah Scheme hrang hrang inhrilhhriatna (IEC Campaign) leh hamthatna dawngtu tur zawng zawngten an dawn ngei theihna tura hmalakna (Saturation Drive) nei tura fehchhuah neih tura rel a ni a. PM-DAJGUA hi Central Sawrkar scheme niin, India rama Scheduled Tribe (ST) chenna khuate eizawnna leh khaw-tlang dinhmun chawikan nana ruahman niin he Scheme hnuaiah hian Central Ministry 17 inthlung-khawmin- Insak, Tui thianghlim, Kawngpui, Hriselna, Zirna leh eizawnna kawngah te Tribal mipuite dinhmun chawikanna tura hmalakna pawimawh tak a ni.

Bawrhsap Paul L. Khuma chuan PM-DAJGUA hnuaiah hian thingtlang khuate chu hmasawnna rualkhai leh tluantling thlenpui a pawi-mawh thu sawiin, India ram sawrkarin mipuite hamthatna tura a duan Welfare Scheme chi hrang hrangte kalpuitu Department - RD&AD, Health, Commerce & Industries, Women & Child Development, Agriculture, Supply leh LAD hotute chu an hmalakna data leh thlalakte a hun takah portal-a upload tur leh report-te tha taka thehlut thin turin a chah a; mipuite chhawmdawl kawngah theihtawp chhuah chhunzawm zel turin a ngen bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »