Union MoS in Aizawl-a BJP Office a tlawh

Mizoram-a rawn zin Union Minister of State for Fisheries, Animal Husbandry & Dairying and Panchayati Raj Prof. SP. Singh Baghel chuan nimin khan Aizawl-a BJP Party Office tlawhin State President's Office Chamber-ah an President Dr. K. Beichhua MLA kaihhruaiin an inkawm a. BJP hruaitute hian Mizoram mamawh hrang hrang lo thlenin, Prof. SP. Singh Baghel chuan an thu thlente chu a ngaih pawimawh thu a sawi a, BJP Mizoram hruaitu ten a Department chan hnuaia Mizoram mipui harsatna chungchang an sawipui chu lawmawm a tih thu leh an thu thlen te a tul anga a bawhzui sak tur thu a sawi bakah a tul anga New Delhi lamah pawh bawhzui turin a chah bawk.

Union Minister chuan BJP Mizoram hruaitute chu Mizoram mipui tana ngaihtuahna seng zel tur leh mi tinin an chanvo an chan theihna tura tana theihtâwp chhuaha hma la zel turin a fuih a. Mizoram harsatna te sutkian a nih theih nana a tam thei ang ber tlawh tura tih an nih thu leh Mizoram-ah sawrkarna an chan theih nan theihtawp chhuah zel turin a chah bawk.