Serchhip-ah International Nurses Day hmangin Mizo in National Florence Nightingale Award a dawng

Zonuna Kawlni /

Khawvel pum-a Nurse te Ni, International Nurses’ Day 2026 chu nimin khan khawvel hmun hrang hrangah hman niin Serchhip-ah leh Aizawl-ah te pawh he ni pual hian hun hman niin Tuichawng-a Health & Wellness Centre-a thawklai Lalenthangi Hnamte hnenah ‘National Florence Nightingale Award’ hlan a ni bawk.
 Kumtin May 12-a hman thin International Nurses’ Day pual hian Serchhip-a Nurse te chuan nimin zing khan Serchhip Bazar-ah a duh apiangte tan a thlawna BP leh Blood Sugar test-na hun an buatsaih a, he hunah hian mi za chuang enfiah niin nimin chawhnu khan Serchhip CMO Conference Hall-ah hun hman zui a ni a. He hun hi Senior Nursing Officer (SNO) T. Lalmuankimi chuan kaihruaiin kumin-a he ni thupui, ‘Our Nurses. Our Future. Empowered Nurses Save Lives’ tih hmangin Ruthi Lalhmudiki, Nursing Officer chuan thu a sawi a, Nurse te tana rilru hrisel neih kawnga inzirtirna hun hman a nih bakah Serchhip atanga Florence Nightingale Award lo dawng tawh H. Mankimi W/S (Rtd) chawimawina hlan a ni bawk a, hemi hnu hian intihhlimna hun an hmang chhunzawm nghal a ni.


Aizawl-ah chuan Trained Nurses’ Association of India (TNAI), Mizoram State Branch huaihawtin International Nurses’ Day hi Dawrpui Multipurpose Hall-ah hman niin Minister B. Lalchhanzova chuan a hmanpui a, damlo enkawlna kawngah Nurse-te pawimawhna leh hlutna sawiin, Nurse-te thiamna leh uluk taka an enkawlna hnuaiah damlo tam takin damna leh hriselna tha zawk an chan phah thin tih a sawi a. Zirchianna (research) in a tarlan danin, Trained Nurse 10% a an pun in damlo thihna (mortality rate) 7% zetin a hniam phah thin tih Minister chuan sawiin, hei hian damdawi In leh hriselna hmunah Nurse thiam tak leh training tha tak nei tam zawk neih a pawimawh zia a nemnghet a ni, a ti bawk.

Rampum-a hriselna lama thawktu Nurse-ten chawimawina an dawn theih sang ber, ‘National Florence Nightingale Award 2026’ dawngtu mi 15 te hnenah President Droupadi Murmu chuan nimin, International Nurses Day-ah khan he chawimawina hi hlanin chawimawina dawngtute zingah hian Tlabung Sub-Division huamchhung Tuichawng-a Health & Wellness Centre-a thawklai Lalenthangi Hnamte chu a tel a, Rashtrapati Bhavan-ah President chuan he chawimawina hi hlanin thuziak bakah Rs. 100,000/- a keng tel a ni.

Lalenthangi Hnamte hian a hna piah lam thlengin mi dangte tan inpekna nena rawng a bawl thin tih Tlabung-a DDK palai chuan a sawi a, Department-in chawimawina a buatsaih thin pawh tum engemaw zat a dawn bakah YMA pawhin tum engemaw zat chawimawina a lo hlan tawh thin tih a sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »