Sawrkar laipui hna a lut tam tura tan tlan ngai ti

Home Minister K. Sapdanga chuan tunhnaiah Mizote sawrkar laipui hnaa lut an tlem hle tih sawiin, tan tlan a ngai takzet tih a sawi.

    Inrinni khan Aizawl Electric Veng YMA Hall-a Electric Veng Branch YMA Literature & Education Sub-Committee buatsaih 'Career Fair' a hawnna ah Home Minister K. Sapdanga chuan Mizote chu Civil Service leh SSC lamah lut kan tlem hle tih sawiin, Sawrkar laipui dawr changa Mizo hnathawk an lo awmin an tangkai thin hle tih a sawi a. Heng service-ah te hian lut an tam theih nan tan tlan a ngai hle tih a sawi a ni. Home Minister chuan he huna a hawn tak, eizawnna kawng inkawhhmuhna tur hun, Career Fair chu thil hautak, a buatsaihtu changkan ngai bawk, a rawn kal te thil chik mi leh thil tih tak tak tum nih ngai bawk a nih thu a sawi a. Mi te tana kawng kawhhmuhna hun tha a Bial chhung ngei a Electric Veng Branch YMA ten an buatsaih thei chu lawmawm a tih thu leh chhuanawm a tih thu a sawi a. Career Fair-a tel zirlai zawng zawngte chu tum mumal nei chunga an lehkha zir chhoh zel nan Career Fair hmang tangkai turin a chah a ni.