Sainik School in Founder Day vawi 10-na an hmang

Zonuna Kawlni /

Chhingchhip-a Sainik School chuan Inrinni khan '10th Founder Day' hmangin he hun hi Adviser to Chief Minister TBC. Lalvenchunga chuan Khuallian nin a hmanpui a ni.
 Sawrkar laipui Ministry of Defence hnuaia din Chhingchhip-a Sainik School ten Founder Day ah hman ah hian Adviser to Chief Minister TBC. Lalvenchhunga chuan Sainik School, Chhingchhip-in an School din tan ni vawi sawmna '10th Founder Day' an thleng chu a lawmpui thu sawiin, he School-a zir mek zirlai/cadets-te chu an theihna zawng zawng nena an zirlaite bei tur leh mahni inthununna (Self-discipline) vawng chunga tha taka zirchhuak theuh turin a fuih a. Nu leh pate pawh an fate tana theihtawp chhuahpui zel tura fuihin, tun CBSE Academics Session liamta a Sainik School, Chhingchhip atanga Subject hrang hranga zirlai ti thate hnenah chawimawina a hlan nghal bawk a ni.


He hunah hian he School Principal Col. Soumyabrata Dhar chuan inlawmna thu sawiin, 23 Sector, Assam Rifles Commander chuan he hun hi khual zahawm nia hmanpuiin thu a sawi bawk a, kum 2025-2026 chhunga Sainik School chet velna 'Annual Report' ngaihthlak a nih bakah Sainik School Chhingchhip-a zirlai ten Hnam Lam chi hrang hrang leh an thiamthil te an entir bawk a, he School Administrative Officer, Sqn Ldr Om Prakash Upadhyay chuan lawmthu sawiin hun hi a khar a ni.

Tun dinhmunah Chhingchhip-a Sainik School-ah hian pawl 6 atanga pawl 12 thleng zirna awmin zirlai mi 320 vel an awm a. Sainik School-a Zirlaite hian 10th Founder Day pual hian Arts and Crafts & Science Stream lam hawi Exhibition an buatsaih bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »