Fur thleng hma dawnin hria

India rama khawchin thlirlawktu ber Indian Meteorological Department (IMD) chuan kumin hian chawlhkar khat zetin Fur a lo thleng hma dawn niin an hrilh lawk a, IMD Aizawl Director Sudheer Kumar Dwivedi chuan Fur (Monsoon) hi June ni 1-ah lo thleng tlangpui thin a ngaih a nih laiin kumin hian May ni 26-ah a lo thleng dawn ni a ngaih a nih thu sawiin, “Ni 7-in a lo thleng hma tura ngaih a ni,” a ti a. Chutih rualin ni 4-in a hma emaw, a tlai emaw thei tih a sawi bawk. Nikum-ah khan May ni 27-a Fur intan tura ngaih kha May ni 24-ah a thleng a. Kum 2020 atanga nikum inkar chhunga India rama fur lo thlen tlai ber chu kum 2023 kha June 8-ah a thleng a ni.