Ramsa leh Sava veh leh kah khapna tihchhuah a ni
Hemi chungchanga tun thla ni 6-a Serchhip District Magistrate, Paul L. Khuma’n thuchhuah siama a tarlan danin Serchhip District chhungah tunlai hian mi thenkhat ten silai hrang hrang leh hmanraw dang hmangin Sava leh ramsa te an pel thin tih hriat a nih thu leh heng avang hian ramvak karah inkah palh avanga nunna hial chan pawh an lo awm tawh thin thu a tarlang a. Kan chhehvela nungcha chi hrang hrang te an chereu mai loha humhalh an nih theih nan leh ramvah avanga nunna chan an awm loh nan Section 163 of Bharatiya Nagarik Suraksha Sanhita, 2023 tlawhchhanin ‘Serchhip District chhungah mi tumah in Air gun/Air Rifle, Silai, Sairawkherh leh hmanraw dang hmangin ramsa leh sava reng reng an vehin an kap/man tur a ni lo,’ a ti a ni.
He thupek hian thu leh awm hma chuan chhuah a nih, May 6, 2026 atanga thla hnih (2) chhung a huam anga, thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang tih a tarlang bawk a ni.
Comments
Post a Comment
I ngaihdan i sawi hian mipui ngaihdan i tarlang a ni!