Nikum April aiin kumin April-a GST hmuh tlem zawk

Zonuna Kawlni /

Ramchhunga State hrang hrang Goods and Services Tax (GST) dinhmun tarlanah Mizoram GST chu nikum 2025 April thla chhunga khawn aiin za zela 17 in a tlahniam.

Ministry of Finance tarlan danin India ram Chhiah khawnna atan July 2017 atangin GST hman anih hnuah rampum huapa GST khawn chu a pun belh zel a, nikum 2025 April thlaa GST nena khaikhinin a punna chu za zela 8.7 a ni a, India ramin kumin 2026 April thla chhunga GST chhiah a khawn zat chu cheng vbc. nuai 2 chuang niin nikum April 2025 thla a khawn zat cheng vbc. 2,32,265 aia a punna chu za zela 8.7% a ni.

Ministry of Finance tarlan danin nikum September 22 atangin Goods and Service Tax (GST) chhiah hi thil chi hrang 375-ah tihhniam a ni a. In chhung bungrua leh khawsak relna chi hrang hrang atanga motor lam chi thlenga GST rate hi tihhniam leh thil thenkhat phei chu chhiah lak lohna rate 0% a tihhniam a ni bawk.

April 2026 chhunga Mizoram-a GST khawn zat chu cheng vbc. 37 a ni a, thla hmasa March 2026 khawn zat cheng vbc. 33 aiin a pung a, Nikum April 2025 thla chhung khawn zat cheng vbc. 45 aia a kiamna chu 17% a ni tih Union Finance Ministry thu chhuah chuan a tar lang a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »