Mizoram-ah Chhiarpui thawh khatna zawhfel a ni

India ram-a Chhiarpui neih mekah Census Operation (House Listing & Housing) 1st Phase 2027 chu zawhfel a ni a, Mizoram District 11-ah April ni 1 atanga April ni 15 chhunga mahni In lum atanga inziaklut, Self-Enumeration ti mi 12,655 an awm a ni.

Nimin khan Census Operation Director Vinod P. Kavle chuan thuthar theh-darhtute kawmin Mizoram chhunga House Listing kalpui-ah zaa za zawhfel a nih thu a sawi a. Census 2027 1st Phase chu April ni 16 atanga nimin, May 15, 2026 inkarah Field Worker, Enumerator te chuan In tinah kalin Census hi an kalpui thu a sawi a ni. Census Operation Director chuan Census 2027 Phase-2 chu nakum February thla a neih a nih a rin thu a sawi a, Phase 2 neih hunah Mizo mipui te tawiawmna tha tak an hmuh ngei theih nan thawktute, Kohhran leh Tlawmngai Pawl te tanpuina a ngen nghal bawk a ni.

Census 2027 Phase 2 neih leh turah hian Mizorama mihring awmzat lakkawm a ni dawn a, hetah hian Caste Census te, Economic Census leh thil dang tul te lakkhawm a ni nghal bawk ang.