S. Vengchung-a In chhia hnatlang in sak that sak

Zonuna Kawlni /

Serchhip Vengchung Branch YMA chuan an huamchhunga chhungkaw pakhat te chenna In chu tunhnaiah thli in a tihchhiat avangin nimin atang khan hnatlangin a sak that hna an thawk.
 Serchhip Vengchung Branch YMA hruaitute hnen atanga LENKAWL in thu a dawn danin tun thla (May, 2026) tir lama thli tleh ah khan Serchhip Vengchung-a C. Biakchungnunga te In, a ban RCC leh a dang Assam Type-a sak chu nasa takin a chhia a, In chung chu thli hian hawkin a bang te pawh a chhe nasa hle a, he In chhia hi siamthat leh mai tlak nia a lan loh avangin khawtlang chuan an senghawi sak a, In neitute chhungkaw tan In hi sak leh mai theih a nih loh avangin Vengchung Branch YMA hian an huam-chhungah Vehbur te khawmin Chief Minister leh bialtu MLA bakah sawrkar hotute atanga tanpuina awm thei ang ang te dap sakin nimin khan hnatlangin In sak hna hi an thawk tan ta a ni.

Serchhip Vengchung Branch YMA chuan In sak hna hi zawhfel a nih hma chuan an thawk chho ang tih sawiin, tunkar chhung hi chuan a chung leh bang te chu peihfel hman mai an inbeisei thu an sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »