Green Mizoram Day rel leh

Nimin khan State Level Sub-Committee (SLSC) on Green Mizoram chu an Chairman leh Environment, Forests & Climate Change (EF& CC) Department Minister Lalthansanga kaih-hruaiin Aizawl-a Chief Wildlife Warden Conference Hall-ah an thukhawm a. Kumin hian June 11-ah ‘Thing hi rangkachak anga hlu, nunna tinreng bul a ni’ tih thupui-a hmangin Green Mizoram Day hi hman leh nise an ti a, State Level function chu Youth Recreation Centre, Falkland-ah June 11, 2026 zing dar 10:00-a hman tura rel a ni. He thutkhawm ah hian Minister Lalthansanga chuan ramngaw hlutzia leh humhalh a tulzia te sawiin, Thing phun lama tan kan lak nasat em em rualin a enkawl zelna kawngah tih tur a la tam hle tih a sawi a. EF&CC Principal Secretary Sudhir Kumar pawhin Mizoram chu India rama ramngaw nei tha ber a nih rualin, a hlutna kan hriat thar a pawimawh thu a sawi bawk.