Empannelled Hospital lo a enkawl theih dan tarlang

Zonuna Kawlni /

Mizoram State Healthcare Society Chief Executive Officer (CEO) Dr. Lalhriatzuali Ralte chuan hriattirna tichhuakin, Mizoram Universal Healthcare Scheme (MUHCS) Empannelled Hospital ni lo ah damlo admit theih a nih thu leh damlo admit turte chu nunna chhan nana enkawl nghal ngai, Emergency bik chauh a nih thu a tarlang.

He thuchhuah a tarlan a nih danin kumin April ni 1 atanga kalpui tan MUHCS 2.0-ah Empanelled Hospital ni lo te'n MUHCS hmangtu damlo an enkawl theihte chu ICU-a dah nghal ngai damlo te, nunna chhan nana zai nghal ngai leh accident tâwk nunna chhan nghal ngai te an nih thu a tarlang a. Healthcare Society-in an tarlan danin tun dinhmun ah Mizoram-ah Empanelled Private Hospital 16 a awm mek a; chu'ngte chu Aizawl District-ah JC Eye Hospital, Chaltlang leh Ramhlun North-a Nazareth Hospital, Redeem Hospital, Synod Hospital, BN Hospital & Research Centre leh Eye Care Hospital-te an ni. Champhai District-ah DM Hospital leh MED-AIM Hospital te, Lawngtlai District-ah Christian Hospital leh Lairam Christian Medical Centre te, Lunglei District-ah Christian Hospital, Faith Hospital leh John Williams Hospital te, Serchhip District-ah Mercy Hospital leh Siaha District-ah Maraland Gospel Centenary Hospital-te an ni.

Tarlan tawh angin MUHCS 2.0-ah hian MUHCS kalpuitu damdawi In te hnenah damlo inenkawlna senso rulh nan sawrkarin cheng nuai 700 vel a pechhuak a, hei hi damlo 2,615 enkawlna senso a ni a. MUHCS 2.0-ah hian pawisa senga inziaklut chhungkua 37,851 awm tawhin, nikum a inziaklut chhungkua 20,213 aiin kumina inziaklut tawh hi chhungkaw 17,638-in an tam tawh a; inziahluh theih hun hi tun thla ni 15 thleng hawn niin, online hmangin muhcs.mizoram.gov.in-ah inziahluh theih a ni. Sawrkar hnathawkte, pensioner te leh golden card neite chu a ngai lo thung a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »