DDMA thutkhawm neih a ni
He thutkhawm ah hian SDC Vanthangpuia chuan Serchhip DDMA ten chhiatrupna hmachhawn dan tura ruahmanna ‘Disaster Management Plan’ an siamte sawi zauin sawrkar Department hrang hrang – Police, PWD, PHE, P&E ten chhiatrupna thleng thei laka ruahmanna an neihte leh an dinhmun hrang hrangte an sawi a; mipuite leh khawtlang hruaitute nena thawhhona tha zawk a awm theih dan tur te, tun aia rang zawka chanchin inhrilhtawn zung zung theihna a awm theih dan tur te, bungrua (material) indaihlohna awm thei laka inralrinna leh mumal zawka hmanrua (resources) te vawn that leh enkawl dan tur leh Logistic Team ten chakzawka hna an thawh theih dan turte sawiho a ni.
DDMA Chairman leh Bawrhsap Paul L. Khuma chuan chhiatrupna thleng thei lakah Department hrang hrangte’n inbuatsaihna tha tak an neih avangin lawmthu a sawi a; khawtlang hruaitu VC, YMA leh mipuite’n tha taka sawrkar an tawiawm thinna ah lawmthu sawiin, thawhhona tha tak neihpui leh zel turin a sawm nghal bawk.
He hunah hian Chhiatrupna hlen changa mipuite’n sawrkar department an biakpawh theihna turte tarlan niin Police te be duh tan Emergency No. 112-ah biak theih niin112 hi Serchhip District chhungah englai pawhin a hman theih reng a, chhiatna a lo thlenin mahni awmna area-a Police Station te pan theih reng an ni bawk a. PWD Serchhip Division Ph. No. 8553098901; PHE Control Room Phone No. 9612081657 leh P&E Department Ph. No. 9402542662 (Serchhip leh a chhehvel) leh 9402542661 (Thenzawl leh a chhehvel) bakah Aizawl leh Keitum inkar kawng chhia ah Ph. No. 7403908888 (NHIDCL) te biak theih an ni.
Comments
Post a Comment
I ngaihdan i sawi hian mipui ngaihdan i tarlang a ni!