CM in vanduaina tawk a tlawh

Zonuna Kawlni /

Chief Minister Lalduhoma chuan Zirtawpni khan a Bial chhung, Thenzawl khuaa tunhnaia thli leh ruah thawk avanga vanduaina tawk te chu an awmna hmunah a tlawh a, kar kalta Thawhtanni (Aril 27, 2026)-a thlipui leh ruahpui sur khan Thenzawl-ah hian chenna In 8 chu luah tlak lohvin a len chhia a, heng bakah hian In chhe nasa zual 9 awmin, chhe nasa lutuk lo 54 bakah sawrkar In leh vantlang In chhia 13 a awm a, electrict ban tlu 15 a awm bawk a ni. Chief Minister chuan heng vanduaina thlenna hmun te hi tlawhin SDRF leh CM Relief Fund atangin zangnadawmna a hlan nghal a ni. He hunah hian Chief Minister hi SDO (Civil) Thenzawl leh sawrkar mi pawimawh ten an tawiawm a ni.

Disaster Management & Rehabilitation Department in an chhinchhiahna atanga a lan danin April ni 27 atanga ruahsur leh thli tleh avang khan Mizoram-ah chenna In chhia 175 aia tam awmin Sawrkar, Vantlang leh Kohhran In chhia 20 dawn a awm a, Lunglei District-ah chhiatna thleng hi a tam ber nia chhinchhiah a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »