Cooperation-a Secretary leh Registars te inhmuhkhawmna nei

Zonuna Kawlni /

India hmarchhak-a Cooperation Secretary-te leh Cooperative Societies-a Registars te inhmuhkhawmna chu nimin khan Mizoram Assembly House-a Legislative Hall-ah neih a ni a, he hun hi Ministry of Cooperation-a Secretary Dr. Ashish Kumar Butani chuan a kaihruai a ni.

Mizoram sawrkar Cooperation Department leh Ministry of Cooperation tangkawp buatsaih he intawhkhawmna ah hian Mizoram sawrkar-a Cooperation Department, Commissioner & Secretary, Udit Prakash Rai chuan inlawmna thu sawiin, NABARD Chairman Shaji KV chuan hmarchhak State ten hmasawnna huapzo leh ngelnghet an neih theih nan Cooperative Societies leh NABARD te an pawimawh thu a sawi a. A bik takin 6th Schedule Areas leh District hlaa harsatnate sukiang turin Cooperative Societies ten hna chak taka an thawh a tul thu sawiin, Assam leh Tripura ten hlawhtlina an neih atanga State dang te pawh an inzir a tul thu a sawi bawk a. India hmarchhak huamchhungah kum 2047 chhungin Multipurpose Primary Agriculture Cooperative Societies (MPACS) nuai 2 neih hman tum a nih thu te, Mizoram State Cooperative Bank pawh Scheduled Bank a hlankai a nih thu leh MPACS computerization program kalpui a nih thu a tarlang bawk.

He hunah hian NABARD, Mizoram Regional Office-a General Manager Pankaja Borah pawhin thu sawiin, thupui hrang hrang an zirho nghal bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »