Aizawl-ah ‘New Age Tech Skills Centre’ hawn a ni

Zonuna Kawlni /

India hmarchhak-a a hmasa ber turin ‘New Age Tech Skills Centre’ chu nimin khan School Education Minister Dr. Vanlalthlana chuan Aizawl Model Veng-a Govt. Comprehensive Model School-ah a hawng.
 He Centre hi Bharat Forge Ltd. CSR (Corporate Social Responsibility) atanga din niin Bharat Forge Ltd. hi Forging leh Defence siamchhuah lama khawvel hriat hlawh an ni a. Project technical partner chu SimuSoft Technologies a ni a, anni hian Centre siamremna, Training leh Curriculum buatsaih lamah hma an la a. School Education Department, Govt. of Mizoram nen tangkawpin kalpui a ni. He project hi June 2025-a Aizawl-a Confederation of Indian Industry leh CSR Cell, Govt. of Mizoram te’n an buatsaih CSR Workshop atanga lo intan a ni.

New Age Tech Skills Centre hi Mizoram leh Northeast ah School Level-a Technology Skills Lab hmasa ber niin Bharat Forge CSR support leh SimuSoft Technologies Technical Expertise hmangin zirlaite chuan Artificial Intelligence (AI), Robotics, Internet of Things (IoT), 3D Printing, CAD, CNC Simulation leh Drone Technology ang chi Technology tharte an zir dawn a. He hmalakna hi National Education Policy (NEP) 2020 thiltum tihpuitlinna atan Classroom-a zirna leh industry-relevant practical technical education inkara inthlunzawmna pawimawh tak niin SimuSoft Technologies chuan School zirlaite atan AI curriculum leh textbook bik pawh an siam a, chu lehkhabute pawh chu tlangzarh nghal a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »