YMA Inkhawmpui nei dawn

Zonuna Kawlni /

Sub-Hqrs. YMA Serchhip Inkhawmpui vawi 8-na chu zanin hian Thenzawl-ah neih tan a ni dawn a, naktuk zan-ah a tiak ang.
 Sub-Hqrs. YMA Serchhip Inkhawmpui vawi 8-na hi Vantawng Group YMA chuan thlengin Thenzawl Auditorium-ah Inkhawmpui hi neih a ni anga, zanin hian Palai lawmna Inkhawm neiin Report hrang hrang ngaihthlak a nih dawn bakah kum kalta chhunga hmalakna hrang hranga tithate lawmman sem a ni ang.

Ruahman lawk ang chuan naktuk chawhma lamah Khawmpui Rorel Inkhawm neiin chawhnu lamah kum 2026-2028 chhunga hruaitu tur an thlang anga, Zan-ah Vantlang Inkhawm neiin Chief Minister Lalduhoma chuan khuallian niin a hmanpui dawn bakah Central YMA atangin YMA Kumpuan ‘Ruihhlo Do’ tih hmangin thusawi ngaihthlak a ni bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »