Lehkha lem in tang te chhuah

Zonuna Kawlni /

Gauhati High Court, Mizoram Bench a Registrar Signature lem ni ngeia hriat hmangin District Jail Lunglei-a Convict, Jail tang lai mi 15 te chhuah zalen an ni tih hriatchhuah a ni a, heng Jail tang chhuah te hi man khawm leh mek an ni.

Zonet JB tarlan danin Lunglei Police te hian niminpiah khan District Court, Lunglei atanga FIR dawngin Court in thiamloh a chantir avanga Jail tang mek zingah Gauhati High Court-a thubuai appeal anga lang, High Court in a chhuahtir te chu an lehkha ah rinhlehawm a awm thu tarlangin, hei hi an zir-chian hnuah Jail-a tang mek Jeremy Lalthangtura, Berawlui, Zemabawk chuan a Jail tanpui te hi pawisa chawitirin ruahmanna a siampui tih an hmuhchhuah thu an tarlang bawk a ni.

Lunglei Police te chuan hemi chungchang ah hian hma la nghalin lehkha lem hmang hian Jail tang mi 15 chhuahtir an ni tawh tih an hmuchhuak a, a mawhphurtu nia hriat Jeremy Lalthangtura lakah hian thubuai ziahluh nghal a ni bawk. Lehkha lem hmanga Jail tang chhuah tawh zingah hian POCSO Act hnuaia thubuai nei mi 6, inrawk leh rukruk thubuai nei 4, ND&PS Act-a thubuai nei 3 leh pawngsual leh hmeichhe ruk-a thubuai nei 2 telin mi 12 te chu man an ni leh tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »