Study Tour-a kal Shalom School ten Larsap an kawm

Zonuna Kawlni /

Serchhip-a awm Assam Rifles ten Aizawl, Silchar, Shillong leh Cherrapunji-te tlawha an hruai Shalom Special School, Serchhip-a zirlaite chuan Aizawl an rawn thlen hnuah Larsap General (Dr) Vijay Kumar Singh chuan nimin khan kawmin an zinna chungchang a sawipui.
 Serchhip-a Shalom Special School-a zirlaite hi Assam Rifles te hian tun thla ni 13 atanga 23 chung khan Aizawl, Silchar, Shillong leh Cherrapunji-te tlawhin Study Tour an neihpui a, Aizawl an thlen hnu nimin khan Larsap hian a chenna, Lok Bhavan-ah kawmin Assam Rifles-in Shalom Special School, Serchhip zirlaite khawhai tizau tur leh School hungchhung piaha tawnhriat an neih nan ti a Study Tour an buatsaih chu lawmawm a tih thu a sawi a. Zirlaite hmangaih taka enkawl thintu zirtirtu leh nu leh pate chu chhuanawm a tih thu sawiin, Tour chuan Shalom Special School leh zirlaite ah hmasawnna rah duhawm tak a thlen ngei a beisei thu a sawi a. Assam Rifles hotute chu an theihna zawn apiangah Shalom Special School ngaihsaka chhawmdawl zel turin a chah nghal bawk.

He hunah hian Shalom Special School-a zirlaite hian Larsap hnenah thilpek an hlan bakah Study Tour chu nuam an tih thu an thlen a. An School chungchang leh tour hlimthlate thlirho a ni bawk a. Tun tuma an zinchhuahna ah hian Shalom Special School atang hian zirlai 18 leh anmahni enkawltu mi 5 kalin April 13 khan Serchhip an chhuahsan a, an kalna apiang ah hian Assam Rifles hian an hruai a ni.

Shalom Special School, Serchhip hi August ni 17, 2005 khan khatihlai-a Chief Minister hlui Lal Thanhawla hova din niin a tirah chuan In luah hawhin an kal thin a. Tuna an School building ni ta sakna tur lungphum hi Mizoram Larsap hian Eastern Army Commander a nih lai, January 2010 khan a lo phum sak tawh a; 4th Assam Rifles te'n Military Civic Action kaltlangin an sak sak bawk a. Tunah hian Vohbik zirlai 36 an awm mek a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »