Serchhip in Cricket-ah Semi Final an khel dawn

Zonuna Kawlni /

Serchhip in a thlen ‘5th Inter-District Cricket Tournament’ chu nimin khan khelh chhunzawm niin Vawiin hian Semi Final khelh a ni dawn a, Serchhip District in Vawiin hian Semi Final an khel ang.
 Nimin-a ‘5th Inter-District Cricket Tournament’ khelh chhunzawm ah Group B atangin Serchhip DC leh Kolasib DCA te chu DC Playground, Khawtetlang-ah inhmachhawnin Serchhip DCA hian Wicket 5-a hnehna changin Semi Final an lut a, Group B inkhel dang ah Semi Final lut chiang tawh Saitual DCA in Mamit DCA chu run 76 in an hneh bawk. Nimin-a Group A inkhel ah Siaha DCA chuan Lunglei DCA chu run 13 in an hneh a, Champhai DCA in Hnahthial DCA chu Wicket 7 in an hneh bawk.


Heti hian Vawiin hian Semi Final khel tur hriatin Vawiin hian khelh nghal a ni dawn a, Semi Final hi Serchhip Sports Complex-ah khelh tur niin chawhma dar 9:30-ah Siaha DCA leh Serchhip DCA an inhmachhawn anga, chawhnu dar 1:00-ah Saitual DCA leh Champhai DCA te an inhmachhawn bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »