SCC 44 atangin Sawhthing quintal 69,181 hralh a ni tawh

Zonuna Kawlni /

Mizoram sawrkar in Kuthnathawktute thlai tharchhuah leina tura Mizoram hmun hrang hranga Secondary Collection Centre (SCC) 64 zinga SCC 44-ah Sawhthing quintal 69,181 hralh a ni tawh.

Mizoram Agriculture Marketing Board (MAMB) hotute sawi danin Mizoram-a SCC 64-a Sawhthing awm zat tura tarlan chu quintal 3,46,470 a ni a, tun dinhmunah sumdawng ten an lei tawh zat quintal 69,181.269 niin hei hi Sawhthing hralh tur zat ruahman atanga zaa 19.96 a ni a. Tun dinhmunah SCC-ah te hian sumdawngte chuan Sawhthing kg-ah cheng 20 atanga cheng 25 inkarin an lei mek a, sawrkarin ba awm lova lei tura sumdawngte a tih angin sumdawngte hian an Sawhthing leina man hi kuthnathawktute hnenah an pe tawh a, sawrkar erawhin Support Price chu hralh zawh hunah a pe chauh dawn thung a ni.

MAMB-in Support Price awma Sawhthing hralh theih hun tura bituk chu kumin February ni 2 atanga May ni 30 thleng a ni a; hetihlai hian MAMB-in sumdawngten kut hnathawktute Sawhthing an leina man hniam ber (Reserve Price) ni tura a bituk kg-ah cheng 40 atanga 45 inkar chu lei ngam an awm mai lova. February ni 9 khan Reserve Price chu cheng 30-35 inkarah tihniamin hralhchhuah tan chauh a ni a. February ni 9 atanga Zirtawpni kalta, April ni 24 thleng khan Sawhthing hralhna hmun tur bika ruahman Secondary Collection Centre (SCC) 64 zinga SCC 44 atangin Sawhthing kg 69,18,126.90 chu Rs. 18,06,82,913.50-a hralh a ni tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »