Israel Hnam bo nia inchhal te Israel-ah pem

Zonuna Kawlni /

Mizoram mi Israel hnam bo ni nia inchhal mi 240 chuangte chuan Zirtawpni zing dar 12:30 vel khan Tel Aviv-a Ben Gurion tumhmun an thleng.

‘Mizo Juda’ ti a sawi, anmahni chuan ‘Bnei Menashe’ tia insawite hi Mizoram leh Manipur atangin mi 300 ve ve kumina Israel a pem thawh khatna-a pem thla tur an nih laiin hriselna leh harsatna dang vangte, passport fel loh vangte in Mizoram atang hian mi 240 vel chauh an thleng thla thei a. Mitlem te Delhi-ah la cham bangin tunkar chho hian Israel an thlen thlak ve theih beisei a ni. Manipur atanga pem thla turte pawh an chhuk ve theih thuai beisei a nih thu pem thla zing ami pakhat chuan a sawi. Israel a pem thla turte thlang tur hian nikum December ni 1 leh ni 10 inkar khan Israel atanga lokal Juda Puithiam (Rabbi) 9 leh Jewish Agency for Israel bakah Delhi-a Israel Embassy atangin mi thahnem tak an lo kal a. February thla emaw March thla emaw a pem thlak inbeisei tawh kha West Asia indona a chhuah tak avangin an khawtlai ta a ni.

Israel leilung an zu rah hian Israel Immigration Minister leh Official ten Airport-ah mi tharte hi an lo hmuak a, Bnei Menashe Community Israel an thleng chu an ram chanchina thil chhinchhiah tlak tak a nih thu Israel Immigration Minister chuan a sawi. An zinga tel ve Aizawl mi pakhatin Akashvani News a hrilh danin an thlen rual rual hian Israel khua leh tui nihna leh hnathawh phalna an lo pe nghal a. Nazareth velah an awm dawn niin a sawi a ni. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »