Mizoram-a Sikserh (Malaria) tihrem tumna kawngah theihtawp chhuah mek zel a ni

Zonuna Kawlni /

Mizoram-ah Sikserh (Malaria) a la hluar em avangin sawrkar chuan a tihrem tumna kawngah theihtawp a chhuah mek zel a, Malaria vei zat tlahniam mah se Malaria chu Thosi seh atanga natna kai theih a nih avangin Malaria nei ve mang lo District-ah te pawh a pung leh hluai thei a, inven reng a tul tih mithiamten an sawi bawk.

Inrinni kalta April ni 25 kha ‘World Malaria Day’ a ni a, hemi puala Mizoram sawrkarin thuchhuah a siamah chuan Mizoram-ah Malaria natna a la hluar hle a, tun dinhmunah India ramah mi 1000 zel atanga Malaria vei hmuhchhuah zat atanga chhutin Mizoram chu Malaria tamna ber State a ni mek zel a. Mizoram-ah kum 2024 khan Malaria vei mi 16,899 awmin mi 7 in an thih phah a. Kum 2025-ah Malaria natna vei mi 9,328 awmin nunna chan mi 6 an awm bawk a ni. Kumin 2026-ah January atanga March thla chhungin Malaria hmuhchhuah tawh zat chu mi 666 niin thihpui an la awm lo thung a ni.

‘World Malaria Day’ puala Akashvani News Aizawl-in Directorate of Health Services-a State Programme Officer cum Additional Director (Malaria) Dr. Lalzawmi a kawmna ah Dr. Lalzawmi chuan Mizoram chu kum 2024 atang khan India ram pumah Sikserh natna, Malaria vei tam berna a nih thu a sawi a, kumin ah chuan Mizoram-a Malaria vei zat tlahniam deuh mah se ram pumah a tam pawl a la nih thu a sawi a. Malaria tirem tura theihtawpa kawng hrang hranga hma an lak hnuah kum 2024 nen khaikhinin kumin ah chuan Mizoram a Malaria vei zat chu zaa 45 velin a tlahniam tawh tih a sawi a, chhimlam District hrang hrang-Siaha, Lawngtlai leh Lunglei bakah khawthlang lama Mamit District chu Malaria hluar zualna hmun te a nih thu a sawi a ni. Malaria chu Thosi seh atanga natna kai theih a nih avangin Thosi kai theihna te titlem tura hmalak reng a ngai tih sawiin, Malaria nei ve mang lo District-ah te pawh a pung leh hluai thei tih sawiin, inven reng a tul tih a sawi a ni.

NVBDCP Consultant (Entomology) Dr. K. Vanlalhruaia chuan Malaria chi 5 a awm thu leh chung zinga 2- Malaria PV leh Malria PF chu Mizoram-ah a tam thu a sawi a. Tunhnaiah Mizoram-ah Malaria PV a hluar chho hle tih sawiin, hei hi a chhan chu damdawi an ei kim loh thin vang a nih thu a sawi a. Khawsik a rehin damdawi thlah ringawt lovin Malaria PV-ah chuan ni 14 damdawi ei ngei ngei a ngai tih sawiin, damdawi ei kim loh chuan a natna chu a lo lang chhuak leh mai thin a, Malaria vei nia in ringhlel te chu in test vat thin turin a chah bawk.

Lunglei District-ah chuan PHC hrang hrangah World Malaria Day pual hian hun hman a ni a. Sr. CMO Dr. Lalrinthangi chuan Malaria natna vei lo turin Thosilen zar that te, Thosi pian theihna Tui sahkang te, Thosi hlauh hnawih chi leh hal chi te hmang thin turin mitin te a fuih a. Khawsik, Luna/Chau leh Tlun a awm chuan thisen laktir vat tur leh Malaria hrik hmuh anih chuan damdawi tha taka ei turin mitin te a ngen bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »