SASCI sum a lapse thu RRR-a’n a sawi

MNF Thalai President Robert Romawia Royte MLA chuan kum liam ta 2025-26 chhunga SASCI sum kir leh ‘lapse’ cheng nuai sing thum chuangah Chief Minister, Finance Minister ni bawk chuan mawh la ngam se a duh thu a sawi.

Inrinni-a Aizawl Press Club-a chanchinbu mite a kawmnaah Robert Romawia Royte chuan kum 2025-26 ah SASCI Part-I hnuaiah Mizoram tan cheng nuai 32,800 dah sa a nih thu sawiin, 1st Instalment cheng nuai 21,648 chu dawng reng siin Utilisation Certificate (UC) a submit theih loh avangin 2nd Instalment sanction sa cheng nuai 11,152 chu a lapse thu a sawi a, sum allocate sa cheng nuai 32,800 a lapse thu a sawi bawk. 

Kum 2023-24 a SASCI Part-I sum sanction sa thlap cheng nuai 23,331 chu 1st instalment sum Implementing Department a pek tlai avangin a lapse tawh thu sawiin, a vawi 2 nana ZPM in sum tam tak a ti lapse chu a serious hle tih a sawi a. Chief Minister, Finance Minister ni bawk chuan mawh la ngam se a tih thu sawiin, MNF hunlai a cheng khat mah lapse lo a, tuna hetiang a thleng hi ZPM hotute mawh a nih thu a sawi. a ni. Rober Romawia chuan ‘SASCI-ah India ram puma titha palina kan ni’ ti a Chief Minister in a sawi thin chu thu dik lo a nih thu a sawi a. Hemi chungchangah hian SASCI enkawltu Department of Expenditure, Ministry of Finance chuan SASCI-ah performance ranking siam a awm lo ti a an chhan thu a sawi bawk.