PWD Minister in kawng siam tur a enfiah

PWD Minister Vanlalhlana chuan Inrinni khan Champhai, Mualkawi, Melbuk leh Zokhawthar inkalpawhna kawng siamthat tur chu Inrinni khan a hmunah kalin a enfiah.

Highway kawnghluiin a paltlang he kawng siam thatna tur One Time Improvement (OTI) atan hian cheng nuai 985 sanction a ni a. He hna hian Champhai khawchhung Kanan Veng atanga New Champhai Zotlang inkar bakah Mualkawi, Melbuk leh Zokhawthar khawchhung kawngte a huam dawn a. Km 17.45-a thui he kawng hi Black top chhah tha tak (BC=40mm) hmanga siam tur a ni a, tunah hian Tender buaipui mek a ni.

Hei bakah hian Khankawn atanga Zokhawthar inkar, 2-Lane Highway awmsa enkawl zui (Performance Based Maintenance Contract - PBMC) hna thawhna tur atan cheng nuaih 2,895 sanction a ni bawk a. He hna atan hian Tender chhuah tawh niin tun thla ni 30 hian Technical Bid hawn a ni ang. He hnathawh tur hian kawng chhe lai hnawh phui (Initial rectification), Road sign leh Protection wall siam, leh kawng tluana Blacktop thar (Periodic Maintenance) te a huam a. He hmalakna hnuaiah hian kawng siam bakah kum 5 chhung enkawl zui hna pawh a kengtel dawn bawk a ni.