A huamzau thei ang bera MP Fund hman duh

Mizoram Lok Sabha MP Richard Vanlalhmangaiha chuan MP Local Area Development Scheme, MP Fund tia hriat chu mipui sum a nih angin khawtlang tana huamzau thei ang bera hman a tum thu a sawi.

Lok Sabha MP hian Inrinni khan Republic Vengthlang leh Upper Republic Veng YMA te hnenah Mahindra Bolero Pick-Up pakhat ve ve hlanin hemi puala hun hman ah he thilpek hi MP Local Area Development Scheme atanga inpek a nih thu sawiin “He Scheme hi mipui sum a ni a, mipui tana tangkai taka hman tur a nih avangin khawtlang tan a huam zau thei ang bera hman ka beisei a ni. Khawtlang chhiat tawh chungchang ah pawh hmun dangah Thlanmual nei in ni a, ruang phurh nan mai bakah khawtlang mipuiten mamawh tinrenga tangkai taka hman a nih theih nan duhsakna ka hlan bawk che u a ni,” a ti.

Aizawl South-I Bialtu MLAC. Lalsawivunga pawhin Lok Sabha MP in kan khawtlang duhsak tak maia motor pahnih lai a pe chu an lawm hle tih sawiin, khawtlang mipui ten tangkai taka an hman ngei a beisei thu a sawi ai. Motor hi damlo leh ruang phurhna tur ringawta hman tur ni lovin khawtlangin a tul apianga hman tur a nih thu leh a enkawl kawngah pawh uluk tak leh dimdawi taka enkawl turin a chah a bawk. He hunah hian YMA hruaitute pawhin MP Fund beisei mi engemaw zat an awm tih an hriat thu sawiin, Motor pek an ni chu lawmawm an tih thu an sawi a. Heng baka Lok Sabha MP in hma a lakpuina ah te lawmthu an sawi bawk.