NHRC Special Monitor lo zin

Zonuna Kawlni /

National Human Rights Commission Special Monitor Dr. Poonam Malakondaiah chuan ni thum (3) chhung cham Mizoram tlawh turin nimin khan Aizawl a rawn thleng a, Mizoram-a a cham chhungin Early Childhood Education lam thlur bingin, Anganwadi Center leh Elementary School kalpui dan a rawn bihchiang dawn a, nimin tlai khan Women & Child Development leh School Education lam hotute kawmin an hmalakna te a sawipui bawk a ni. Ruahman lawk ang chuan NHRC Special Monitor hian April ni 21, 2026 ah Saitual tlawhin April ni 22-ah Reiek a tlawh dawn a, heng hmunah te hian Anganwadi Center leh Primary/Middle School thenkhat a hmun ah tlawhin Zirna bultanna lam kalpui dan te, zirna In vawn thianghlim dan te, Midday Meal Scheme kalpui dan leh Nutrition leh hriselna lama an din-hmunte a enchiang dawn a ni.

Dr. Poonam Malakondaiah hi IAS Officer niin July ni 30, 2024 khan a retire tawh a. Hemi hnu kumin January thla khan National Human Rights Commission-ah Special Monitor hna hi a thawk leh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »