VC pathum te Computer hlan

Zonuna Kawlni /

Kolasib District chhunga Village Council (VC) te hnena Rashtriya Gram Swaraj Abhiyan (RGSA) Scheme kaltlanga Computer Set semna hun chu nimin khan Kolasib DC Conference Hall-ah buat-saih niin Kolasib District chhunga VC pathum - Hortoki-II, Phaisen leh North Chhimluang VC te hnenah Computer hi hlan a ni a. He hunah hian LAD Director Dr. Lalngura Tlau chuan VC te hmasawnna tura Department hmalakna tarlangin, LAD chuan 15th Finance Commission atanga sum hmuh theih te chu a bo a bang awm lovin an hmuh thu leh District Panchayat Resource Centre (DPRC) chu District 8-ah a awm tawh thu bakah Aizawl, Lunglei leh Kolasib-ah te a hmun zawn mek a nih thu a sawi bawk. RGSA hnuaiah hian kum 2025-26 atana Computer Set 346 lei niin tunah hian 98 semchhuah a ni tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »