Lirthei tlan thei bithliah thar

Serchhip Dinthar Veng-a Sesah lui-a Culvert siam hna thawh mek a nih avangin helai kawng ah hian LPK/407 Truck leh a chunglam Motor lian kal phal a ni lo.
Serchhip District Superintendent of Police, Gavit Gogna IPS chuan nimin khan hriattirna tichhuakin Serchhip Dinthar Veng a Sesah lui-a RCC Culvert/Kawngpui siamthat hna thawh mekah a nih avanga March 24, 2026 a thuchhuah lo siam tawh chu tih danglam a nih thu a tarlang a. April 19, 2026 atang chuan helai kawng ah hian LPK/407 Truck leh a chunglam chin reng reng chuan Serchhip khawpui chhung paltlangin Kikawn atanga Sailiam leh Sailiam atanga Kikawn inkar-ah an tlan tlang phal a nih loh thu a tarlang a ni.

March 24, 2026-a Serchhip SP in thu-chhuah a siam tawh bawhchhia hian Inrinni khan Truck pakhat chu helai kawng ah hian tlanin Sesah lui-a Culvert siam mekah hian a tla a. Serchhip Traffic Police te chuan thupek bawhchhia a tlan lui he Motor hi man a nih thu leh pawisa chawitir a nih thu sawiin, a bungraw phurh hlanthlakna hlawhfa senso te pawh tum tir an nih thu an sawi bawk a ni.