MUHCS 2.0-a inziaklut te tan ‘MUHCS Card’ siam ngai dawn

Zonuna Kawlni /

Mizoram sawrkar chuan MUHCS 2.0 kalpui mekah ‘MUHCS Card’ siam ngai te tarlangin, MUHCS Card hi mahni remchan dan anga siam mai theih a nih thu a sawi.

Hemi chungchanga sawrkar thuchhuah tarlan danin Mizoram Universal Health Care Scheme (MUHCS) 2.0 chu April ni 1, 2026 atanga hman tan niin, Govt Employees/PE leh General Beneficiarles (mipui nawlpui man chawia inziaklut) te chuan MUHCS hmang turin MUHCS Card neih hmasak ngei a ngai a. MUHCS Card-hi Common Service Centre (CSC) hnenah emaw, damdawi In luh rualin Empanelled Damdawi In-ah emaw siam theih niin https://muhcs.mizoram.gov.in/- ah mahni a siam mai theih a ni bawk a. MUHCS Card hi siam hun bituk awm lovin mahni remchan dana siam mai theih a nih thu a tarlang a ni.

Hetihlai hian CSS/GIA, Pensioner leh AB PM-JAY (Golden Card) hmang thei tan erawh tun dinhmun ah MUHCS Card hi siam a la ngai lo thung a. CSS/GIA leh Pensioner tan MUHCS Subscription form hmangin MUHCS hnuaiah enkawlna dawn theihn niin AB PM-JAY chhungkua tan Golden Card hmangin MUHCS hnuaiah enkawlna a dawn theih bawk tih an tarlang.

Tarlan tawh angin MUHCS 2.0 atana inziahluh hun tura ruahman chu a tawp hnuah thla thar May 15, 2026 thleng inziahluhna hun hi pawhsei a ni a. May 15, 2026 hnu lamah chuan MUHCS 2.0-ah hian inziahluh theih a ni tawh dawn lova, ‘Grace Period’ hawn thin pawh hawn a ni tawh dawn lo a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »