MUHCS sawihnawm tum an awm - Health Minister; Mipui nawlpui in an chhawr pha lo - MPCC

Zonuna Kawlni /

Health Minister Lalrinpuii chuan Mizoram Universal Health Care chu mi thenkhat ten sawi hnawm an tum hle niin a sawi a. MPCC Spokesperson Dr. Lallianchhunga chuan MUHCS-a inziahluhna man chu a tam tham em avangin sawrkar atanga hlawh la lo, mipui nawlpui tam zawkin an chhawr pha lo ah an ngai tih a sawi thung.

ZPM |halai ten nimin-a Aizawl khawpui-a Street Campaign an buatsaih ah Health Minister Lalrinpuii chuan ‘Mipui Healthcare’ an tih Mizoram Universal Healthcare chu mi thenkhat ten sawi hnawm an tum nia sawiin, “AB-PMJAY (Golden card) kan tih hi sawrkar damdawi In ah chauh a hman theih a, State pawnah phei chuan Golden Card hmang hian an refer ngai lo,” tiin “ZPM sawrkarah chuan Golden Card leh MUHCS te convergence-in Sawrkar damdawi In-ah kher lo pawh MUHCS hman theihna damdawi In-ah chuan Golden Card pawh kan hman ve theih phah ta a ni,” a ti a. Central aawangin Golden Card atan cheng vbc. 20.50 min pek thu leh MUHCS leh Golden Card an suihzawm tak avangin vbc. 50.82 chu Golden Card atan State sawrkar-in a seng tawh tih a sawi bawk.

Hetihlai hian Mizoram Pradesh Congress Committee (MPCC) General Secretary leh Spokesperson, Dr. Lallianchhunga chuan nimin khan Aizawl Press Club-ah thuthar thehdarhtute kawmin MUHCS chu a hmang tangkai tawhtu damlo te an hmaizah avangin a pawng a taka sawisel an hreh hle tih sawiin, MUHCS-a inziahluhna man chu a tam tham em avangin sawrkar atanga hlawh la lo, mipui nawlpui tam zawkin an chhawr pha lo ah an ngai tih a sawi a. Kumin ah April 14 thleng khan mi 29,472 an inziaklut tawh nia sawiin, “A hma kum aiin mi 9000 chuangin an tam tawh zawk a. Heti chung hian sawrkar kal tawh te hunlai a inziahluh tlem ber lai pawh an la pha chuang lo a ni,” a ti a. “ZPM sawrkar hian mipui tam zawk hi inziaklut tura a duh tak tak chuan mipui nawlpui ban phakin Enrollment Fee a tihniam mai tur niin kan ngai,” a ti a. “MUHCS hi sumdawng rilru pu lova kalpui turin ZPM sorkar kan ngen a. Mipuite tan hamthatna scheme (Welfare Scheme) a nihna ang taka kalpui turin kan beisei,” a ti bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »