Mizoram-ah 'World Veterinary Day 2026' hman a ni

Zonuna Kawlni /

Inrinni kalta April 25, 2026 kha 'World Veterinary Day 2026' niin Aizawl-ah chuan 'Veterinarians: Guardians of Food and Health' tih thupui hmangin he ni pual hian hun hman a ni.

Animal Husbandry & Veterinary (AH&Vety) Department, Mizoram State Veterinary Council (MSVC) leh Indian Veterinary Association (IVA) Mizoram te tangkawp buatsaiha Aijal Club Mc Cabe Hall-a 'World Veterinary Day 2026' hman hi AH&Vety Departnent changtu Secretary Lalsangliana chuan khuallian nia hmanpuiin IVA member zawng zawngte World Veterinary Day pual chibai bukin duhsakna a hlan a. Ei leh bar dehchhuah bakah a hrisel em tih ngaihven thlengin Veterinarian-te an pawimawh thu sawiin, ran hriselna mai piah lamah ram leh hnam hriselna chu an kutah thui tak a innghah thu a sawi a. Veterinary profession chu hna zahawm tak anih thu sawiin, eizawn nana thlang tawhte chu hawi kir lova, tih takzeta thawka an thiamna leh tawnhriatte hmanga danglamna thlentu nih tum turin a chah a ni.

Aizawl-a World Veterinary Day 2026 puala hun hman hi IVA Mizoram President Dr. Robert Rualthankhuma chuan kaihruaiin General Secretary Dr. C. Lalchhandama chua report a pe a. Khualzahawm MSVC President Dr. Lalremliana leh AH&Vety Department Director Dr. Lalrotluanga Sailo te hnen atangin thusawi ngaihthlak a ni a. Ran ngaihsaka an hamthatna tura thawk tha mimal leh pawl hrang hrang 10 te hnenah chawimawina thuziak cheimawi hlan a ni a. Member thite sunna hun hman niin, kum 2026-2028 chhung atana IVA Mizoram hruaitu tur thlan a ni bawk.

World Veterinary Day hi Mizoram-ah chuan kum 2012 atang khan kumtin April thla Inrinni hnuhnung berah hman thin a ni a. Ran hriselna venhim leh enkawl bakah, mipui vantlang hriselna venhim kawnga Veterinary Doctor-te pawimawhna leh intuaitharna hun atana hman thin a ni a. World Veterinary Day 2026 pual hian Inrinni chawhma khan Aizawl a hmun pathum - State Veterinary Polyclinic Hospital, Khatla, Thuampui leh Lawipu-ah te Free Health Clinic leh Free Anti-Rabies Vaccination Camp-te buatsaih a ni a. Ran engemaw zat a thlawna entir niin, Ui a hri danna, Anti-Rabies Vaccine dose 196 pek a ni a. He ni pual vek hian DDK Aizawl-ah World Veterinary Day thupui sawi hona neih a ni bawk.

He ni pual hian IVA Mizoram Vice President Dr. V. Lalzarzova kaihhruaiin Ran Doctor-te tana intuaitharna hun hman a ni a. He hunah hian ‘Veterinary Council of India - Standard of Professional Conduct, Etiquette & Code of Ethics for Veterinary Practitioners Regulations, 1992’ leh ‘Veterinarians : Gaurdians of Food and Health’ tih thupui hmangin College of Veterinary Sciences & Animal Husbandry (CVSc&AH), Selesih-a mithiam ten zirtirna an pe bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »