Mizoram-ah lirthei 3,63,435 ziahluh a ni tawh

Transport Department chhinchhiah danin, kumin March thla tawp thlengin Mizoram-ah lirthei 3,63,435 register a ni tawh.

Chhinchhiahna atanga a lan danin lirthei register zingah hian lirthei ke hnih nei (Two wheeler) chu a tam ber a ni a, tun dinhmunah Mizoram pumah Two Wheeler 2,29,183 register tawh niin hemi dawt-ah hian mimal motor LMV chu tam lehin 55,343 register a ni tawh bawk. Transport Department-in a a tarlan danin, tun dinhmunah Mizoram pumah Two Wheeler Taxi 4,109 a awm mek a, passenger phur motor-te ke li nei 59,889 awm mekin passenger phur motor tho ke thum nei chi 6,386 register a ni tawh bawk a, heng bakah hian sumdawnna atana hman motor lian bungraw phur chi 23,517 register tawh a nih bakah Car rental a tlan lirthei 2,383 a awm mek bawk.

Transport Department-in thla hmasa thlenga Mizoram-a motor register tawh a chhin-chhiahna-ah hian Mizoram chhungah Bus 560 awm mekin Ambulance 275 register a ni tawh bawk a, lei laihna lirthei, Excavator pawh a vaiin 1,198 register a ni tawh bawk a ni.