MHIP Sub-Hqrs. Serchhip Conference neih a ni
New Serchhip YMA Hall-a MHIP Sub-Hqrs. Serchhip Conference hi an President Lianthangi chuan kaihruaiin chawhma lamah Report hrang hrang ngaithlain Serchhip District chhunga kawng hrang hranga chawimawi phu mi 10 te hnenah chawimawina an hlan a. Chawhnu lamah Rorelna hun hmangin ‘Kan Mizo thuam (Puan) bih hi function pawimawhah uar lehzuala bih tura inzirtir thar leh ni rawh se’ tih te; ‘Kan In leh a velah hmeichhia in kan taksa lang tam lo thei ang ber thawmhnaw inbel thin tura inzirtir uar ni rawh se’ tih leh ‘Mizo hmeichhia ten hnamdang mi pasal nei lo tura kan tu leh fate inzirtir uar ni rawh se’ tih te chu pass a ni a, kum 2026-2027 Budget atan cheng nuai hnih (2) chu pawm a ni bawk.
Hemi hnu hian kum 2026-2028 chhunga MHIP Sub-Hqrs. Serchhip hruaitu thlanna neiin President-ah Lalhmunsangi (Bukpui); Vice President-ah Lianthangi (Dinthar); Secretary-ah H. Lalhlimpuii (IOC Veng); Asst. Secretary-ah Angeli Marhmingliani (P&E Veng); Treasurer-ah V. Lalngilneii (Hmar Veng) leh Fin. Secretary-ah Lawmsangpuii (Chhiahtlang) te thlan an ni.
Comments
Post a Comment
I ngaihdan i sawi hian mipui ngaihdan i tarlang a ni!