MCAB in ‘Scheduled Bank’ status a hmu thar

Zonuna Kawlni /

Mizoram chuan Banking Sector-ah bung thar kaiin tunhnai khan Mizoram Cooperative Apex Bank (MCAB) Ltd. chuan ‘Scheduled Bank’ Status a hmu thar.

April 15, 2026-a Gazette of India-a tarlan a nih danin Mizoram Cooperative Apex Bank (MCAB) Ltd. chu Second Schedule of Reserve Bank of India Act, 1934-ah telh a ni tawh dawn a. Mizoram Cooperative Apex Bank (MCAB) hi July 31, 1982 khan mi thahnemngai ten Mizo mipuite tan an din a ni a, hma sawn zelin Scheduled Bank dinhmun hial hmu thei a lo ni ta a ni.

Apex Bank-a thawktuten hlawhtlinna an chan theihna atana anmahni dawrtu zawng zawngte hnenah thinlung takin lawmthu an sawi a. Chief Minister leh Cooperation Minister te duhsaknaah lawmthu sawiin, RBI leh NABARD, Aizawl Regional Office-a thawktute leh Cooperation Department-a thawktuten tha thlah lova an thawhpuina leh duhsaknaah lawmthu an sawi bawk. Apex Bank thawktute chuan he hmasawnna bung thar hmang hian Mizo mipuite tan Banking Service tha leh zau zawk an pek theih an beisei thu an sawi a ni. 

Mizoram Cooperative Apex Bank (MCAB) Ltd. hian Mizoram hmun hrang hrangah Branch 35 neiin ATM Booth 45 an nei mek bawk a, kum kalta chhung khan Profit cheng vbc. 40 neiin CD Ratio chu 69% a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »