May 15 thlengin MUHCS-a inziahluh hun pawtsei

Zonuna Kawlni /

Mizoram Universal Health Care Scheme (MU-HCS) hnuaia inziahluh theih hun chu thla khat (1) chhung atan pawhsei leh a ni a, nimin thleng khan MUHCS-a inziaklut hi chhungkaw 29,400 chuang an awm tawh a ni.
 Tun thla ni 1 atanga hman tan  Mizoram Universal Health Care Scheme (MUHCS) 2.0 hnuaia inziahluh theih hun hi sawrkar in rua-hmanna a siam hmasa ah chuan Vawiin, April 15, 2026 hian a tawp dawn a, Mizoram Sawrkar chuan MUHCS-a inziahluh theih hun hi thla thar May ni 15, 2026 thleng a pawtsei dawn a. AMC inthlanna neih turah Election Model Code of Conduct hman mek a nih avanga MUHCS 2.0-a inziahluh theih hun pawhsei a nih thu hriattirna tih-chhuah phalsak tura Health Department-in Mizoram State Election Commission hnena dilna a thlen chu Mizoram State Election Commission-in a phalsak a, hetihrual hian Politics-a hamthatna atan hman erawh a remchang lo tih a tarlang a ni.

MUHCS hnuaiah hian nimin thleng khan Online hmanga inziaklut chhungkaw 29,472 awm tawhin Offline hmanga inziaklut pawh engemaw zat awmin a zat erawh hriat theih ala ni lo a. Mizoram Health Care Society (MHCS) hotute chuan nikum khan MUHCS 1.0-a inziaklut chu chhungkaw 20,198 an ni tih sawiin, kumin a MUHCS 2.0 a inziaklut hi nikum aiin sang kua chuangin an tam tawh zawk tih an sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »