Serchhip District-ah nikum khan Buh MT 2849.75 thar

Zonuna Kawlni /

Nikum 2025 khan Serchhip District-ah Buh Matric Ton 2849.75 tharchhuah niin Thingtlang Lo aiin Leilet (WRC)-a tharchhuah chu nasa takin a tam zawk a ni.
 Serchhip-a District Agriculture Officer (DAO) Office atanga LENKAWL in thu a dawn danin kum kalta 2025-ah khan Serchhip District hian Thingtlang Lo (Jhum) atangin Buh MT 667.49 a tharchhuak a, hei bakah hian Leilet (WRC Khariff) atangin MT 2182.26 a thar bawk a, nikum-a Serchhip District-a buh thar zawng zawng chhinchhiah hi MT 2849.75 a ni a, Buh hi hectare 1518-a zau-ah an chiang nia chhinchhiah a ni bawk.

Serchhip District-ah hian Agriculture Department chuan Block pahnih, Serchhip Block leh East Lungdar Block neiin nikum khan Ser-chhip Block-ah hian hectare 902-a zau ah Buh hi chingin MT 1544.60 tharchhuah a ni a. East Lungdar Block-ah hian hectare 616-a zau-ah Buh hi chingin MT 1305.15 an tharchhuak bawk  nia chhinchhiah a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »