Lung zaina a thawk turte Training-na Health Minister in a tlawh

Zonuna Kawlni /

Health Minister Lalrinpuii chuan nimin khan Post Graduate Institute of Medical Education and Research (PGIMER), Chandigarh tlawhin helai hmunah hian ZMC&H chuan Lung lam zaina, Cardio Thorasic-a thawk turin Training a tir mek a ni.

    PGIMER, Chandigarh tlawhtu Health Minister hi PGIMER Director Dr. Vivek Lal chuan lo dawngsawngin Mizoram-a Medical College, ZMCH-ah zirna quality a lo that chhoh zel theihna turin PGIMER nena Teachers Exchange programme chungchang leh Students Exchange Programme neih theih dan turte an sawidun a. Dr. Vivek Lal chuan ZMC&H nena thawhho theih dan kawng awm thei ngei se a duh thu lo sawiin, a rang thei ang bera thawhhona a awm theihna turin inremna thuthlung te pawh ziah ran a duhthu a lo sawi a. MD Course-ah Sponsored Seat an neih thu sawiin, Mizoram Doctor te zingah Entrance Exam paltlang thei awm tam se a duh thu a lo sawi a ni. ZMC&H-ah hian Lung lam enkawlna, Cardiothoracic and Vascular Surgery (CTVS) Operation Theatre (OT), Intensive Care Unit (ICU) leh Cath Lab te hawng tura hmalak mek a ni a, hemi atana Training turin Doctor pakhat leh Nursing Officer pali te chu tun thla ni 13 khan PGIMER, Chandigarh-ah hian tirh niin ni 30 chhung an training dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »