LADC Budget Session zawhfel a ni

Lai Autonomous District Council (LADC) Budget Session chu Ningani khan zawhfel a ni ta a, kum 2026-2027 LADC sum hman tura ruahman cheng nuai 28,028.63 chu lungrual taka Passed a ni.

Ni 4 chhung awh 12th Lai Autonomous District Council (LADC) Budget Session hi March 27 khan neih tan niin Session-ah hian Member pahnih A. Thangruma leh Puspa Ranjan Chakma te sunna hun hman a ni a. Session tanni ah Deputy Chairman atan chuhtu awmchhun Vathuampui Bialtu MDC C. Lalneihkhuma chu thlan a ni a. Members atanga zawhna lut 31 te chu chhan vek an ni a, Official Business LADC (Marriage and Divorce) (First Amendment) Bill 2026 chu sawihona neih a nih hnuah pawm a ni a, Private Members Resolution AOC Bialtu MDC LR. Dingliana Chinzah putluh “Budget kum 2026-2027 chhung atan Year of Consolidation ah puan ni rawh se” tih chu sawihona neih a nih hnuah hnawl a ni.

LADC Budghet Session-ah hian kum 2026-2027 chhunga Budget chu pawm niin Budget pumpui hi cheng nuai 28,028.63 a ni a, Local Revenue Collection-ah cheng nuaih 510.00 hmuh beisei a ni a, hei hi kum kalta aiin cheng nuai 89 in a tam zawk a. Mizoramk sawrkar atanga Grand-in-Aid dawn tur cheng nuai 27,336.13 niin kum kalta aiin cheng nuai 1584.56 in a tam zawk bawk a ni.