Sawrkar kum kalta a Mizoram-a thisen pek zinga za zela 93 chu a thlawna pek a ni

Zonuna Kawlni /

Nikum (2025) April thla atanga kumin (2026) March thla tawp thleng khan Mizoram-a Blood Bank hrang hrangah thisen Unit 36,152 lak a ni a, heng zinga Unit 33,690 chu mi tlawmngaite pek a niin pek bik awm lo (voluntary) a thisen pek zat chu thisen pek zawng zawng atanga chhutin za zela 93 (93%) a tling.
 Mizoram State AIDS Control Society (MSACS) chhinchhiah danin kum kalta chhung khan Mizoram-a Blood Bank 12-ah te thisen hi pek vek a niin heng Blood Bank hrang hranga thisen lakkhawm zawng zawng hi Unit 36,152 a ni a, heng zinga Unit 33,690 hi pek bik nei lova a mamawh apiangh ten an hman tura a thlawna pek (voluntary donation) a ni a, Unit 2462 chu tum bik neite pek a ni. Mizoram chhunga Blood Bank zingah Civil Hospital, Aizawl-ah thisen pe tam berin Unit 16945 lak a ni a, Zoram Medical College chu pahnihna niin Unit 4993 lak a ni bawk a, pathumna chu Synod Hospital, Durtlang niin Unit 3156 lak a ni. Mizorama Blood Bank 11 zingah za zela chhutin District Hospital, Mamit chu a thlawna thisen pe tamna ber a ni a, nikum chhunga thisen an lak Unit 427 zinga 418 chu tih bik nei loa pek a ni a, hei hi thisen an lak zawng zawng atanga chhutin 98% a tling a. Nikum chhung hian Mizoram hmun hrang hranga thisen pek runpui tum 628 huaihawt a niin thisen Unit 23,591 lak a ni a. Kum hmasa April, 2024 atanga March, 2025 inkar chhung khan Mizoram pumah thisen unit 34,752 pek niin zela 93.71 chu Voluntary-a pek a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »