Champhai-ah cheng vbc. 465 hu ruihhlo halral

Zonuna Kawlni /

Champhai Police ten ruihhlo chi hrang hrang an man cheng vbc. 465 chuang hu chu nimin khan Champhai Bawrhsap Mohammad Aaquib chuan District Hospital Complex-ah a halral.

Heng ruihhlo halral te hi Champhai Police te'n hmun hrang hranga an man, District Court-in halral tura phalna a pek tawh te an ni a, nikum (2025) March thla leh October thla inkar chhunga man te niin ND&PS Act tlawhchhana thubuai 99 ziahluh te an ni a. Hemi hun chhung hian Heroin kg 35.852 a rit, cheng vbc. 71.70 hu, Methamphetamine kg 490.896 a rit, cheng vbc. 392.71 hu leh Alprazolam kg 4.740 a rit, cheng nuai 94.8 hu man a ni.

Nimin-a heng Ruihhlo halralna hunah hian District Bawrhsap Mohammad Aaquib chuan nikum khan cheng vbc. 117 chuang hu ruihhlo halral a nih tawh thu leh kumin ah Champhai Police ten hmasawnna ropui tak neia cheng vbc. 465 chuang lai halral a ni leh chu lawmawm a tih thu a sawi a. Home Minister hmalakna a Operation Jericho kalpui a ni chuan kawng tam takah awmzia a neih thu sawiin, hun lo kal zelah heng ruihhlo te titlem zel tura chawl lova thawh zel a tul thu leh thalaite'n ruihhlo an khawih lohna tura nasa zawka zirtirna pek zel a tul thu a sawi bawk.

Kum 2025 chhung khan Champhai Police te chuan ND&PS Act tlawhchhanin thubuai 147 an ziaklut a, hemi kaihhnawihah hian mi 260 man niin an zingah hian ramdang mi (Myanmar) 58 man tel a. Kum 2025 chhung khan Heroin kg 38.477, Methamphetamine kg 622.4, Crystal Meth kg 5.169, Caffeine kg 3000, Alprazolam kg 4.470 leh Corex Gram 1.6 te an man a, kum 2026 January ni 1 atanga April ni 20, 2026 chhung khan ND&PS Act. tlawhchhanin thubuai 47 an ziaklut a, mihring 76 man niin an zingah hian ramdang mi (Myanmar) 22 an tel a. Heroin kg. 8.266, Methamphetamine kg. 76.245 leh Crystal Meth kg. 10.259 an man tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »