AMC-a Zuangtui-II Polling Station-a vote tlate chhiar a ni

Zonuna Kawlni /

Aizawl Municipal Corporation (AMC) Inthlanna neih zawh taka I/7- Zuangtui-II Polling Station-a Vote tlate chu nimin khan chhiar a ni.

AMC Inthlanna a Vote tla te niminpiah-a chhiar a nih khan AMC Ward No. I, Zuangtui-II Polling Station-a Vote thlakna khawl  EVM (Control Unit) hi chhiar theih a ni lo a, amaherawh chu he Polling Station-a Vote tla te hian Candidate te tlin leh tlin loh ah nghawng nei tawh lo mah se Mizoram State Election Commission chuan Zuangtui-II Polling Station-a hun leh tha senga vote thlak tute duhthlanna hriat loh a liamtir mai chu tha a tih loh bakah vote thlaktute an zahawm bakah Inthlan buaipuitute hun leh tha sen a ngai hlu bawk a ni. Hei vang hian a hranpa-a Zuangtui-II Polling Station-a vote tlate chhiar thei ngei tur hian Commission chuan hma a la ta a. Nimin khan State Election Commissioner, Dr. H. Lalthlangliana kaihhruaina hnuaiah Candidate Election Agent te leh Municipal Returning Officer te hmuh laiin BEL EVM Engineer, Laxman Khot chuan EVM Control Unit Sl. No. Z07457 chu hawngin vote tlate chu tluang takin a la chhuak thei a ni.

He EVM-a Vote tla te hriat theih a nih takah chuan Ward No. I-ah hian ZPM Candidate Vanlalhriata chuan Vote 4409 hmuin MNF Candidate CL. Biakhlua chuan Vote 2809 a hmu a, INC Candidate Laldinpuii chuan Vote 1652 leh BJP Candidate R. Lalhmingmawia chuan Vote 62 an hmu a. NOTA-ah Vote 27 a tla bawk a ni. Nimin-a EVM Control Unit Sl. No. Z07457 hawnna leh vote chhiarna hunah hian MJA aiawh te, Political Party aiawh te, General Observer leh State Election Commission, Mizoram Official te an tel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »