Zirlaibu thenkhat a rawn thlen tawh thu Minister in a sawi

School Education Minister Dr. Vanlalthlana chuan School Zirlaibu thenkhat chu a rawn thlen tawh thu a sawi.

Nimin-a Assembly thutkhawm ah ZPM Member Lalmuanpuia Punte zawhna chhangin Education Minister Dr. Vanlalthlana chuan Zirlaibu 57 print tir a nih thu leh chung zinga 29 chu a lo thlen tawh thu sawiin, “A then kalkawngah a thang mek a, print mekte pawh a awm,” a ti a. Class tan hmaa Zirlaite'n zirlaibu an neih kim theihna atan an innawr mek tih sawiin, “A tam zawk chu kan inpek hman ngei kan beisei,” a ti bawk.

Hei bakah hian Education Minister chuan ZPM sawrkar hnuah sawrkar School-a chawchhun chhumtute hlawh tihpun sak a nih thu sawiin, “PM Poshan cook hlawh hi Central-in thla khatah Rs. 900 tumin, State sawrkarin Rs. 600 in a dolet thin. A hma chuan thla khatah Rs 1,500 an hlawh thin,” tiin sawrkarna an chan hnuah State sawrkar in Rs. 600-a a dolet thin chu Rs. 2,100-ah tihpun ni tawhin chawchhun chhumtute hian thla khatah Rs. 3,000 an hlawh tawh thu a sawi a ni.