UD&PA Minister in Durtlang Football Stadium a hawng

Zonuna Kawlni /

Aizawl Smart City Limited hmalaknaa din, Durtlang Football Stadium chu nimin khan UD&PA Minister K. Sapdanga chuan a hawng. Cheng vbc. 22.3 senga din he Stadium hawnna hunah hian UD&PA Minister chuan sawrkar hmasa hmalakna fakin, Mizoram-a Football khelmual tha ber hawn a ni thei ta chu lawmawm a tih thu a sawi bakah a panna kawng tur pawh ngaihtuah mek a nih thu a sawi a. Sports Minister Lalnghinglova Hmar pawhin he hunah hian thu a sawi bawk a ni.

Durtlang Football Stadium sakna atan hian Rs. 22,30,75,000/- sen niin Smart City Mission, GoI atangin Rs. 20,07,67,500/- hmuh a nih bakah Mizoram Sawrkarin Rs. 2,23,07,500/- a tum a, M/s Biakliana & Sons ten a sak hna hi an thawk a ni. Field-ah hian a mamawh hrang hrang siam-a dah nghal niin Field Management Committee, Durtlang Local Council Chairman-na hnuaia khawtlang hruaitu pawl hrang hrangte telna chuan an enkawlzui dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »